زقطوطـة : بـابـا..بـابـا...بـــابـــا ؟
بـابـا الحج : نــعم ؟
زقطوطـة : مش أنا خرجت معاكو مرة يوم أحد ؟
بـابـا الحج : طيب ؟
زقطوطـة : وطبعا طبعا محدش في سني لسه بيخرج مع باباه و مامته غيري
بـابـا الحج : امممممممممم ؟
زقطوطـة : آه..طيب...بص بقى...أنا إن شاء الله خارجة مع صاحباتي كمان شوية
بـابـا الحج : رايحيـن فيـن ؟
زقطوطـة : يعني..هنروح نتغدى و بعدين هندخل سينما..وبعدين هنطلع على البولينج..ونتعشى..ونروح....يادوبك
بـابـا الحج : طيب ما تتأخريش
زقطوطـة : إحم..ما أعتقدش يا حج...احتمال يعني...نتأخر شوية..إحم
بـابـا الحج : مفيش دخول للبيت بعد عشرة بالليل
زقطوطـة : يعني أبات بره ؟؟؟؟ حلاوتك يا حج
:D :D :D
هناك 15 تعليقًا:
والله مش عارفه ايه ده ياختي
ابهات اليومين دول ماسكينها علينا ليه كده
نفسي يبحبحوها شوية
يعني لو ممكن نصيف من غيرهم يبقى فل :))
D :D :D:
يا سلام على الإجابات و النهايات المفاجئة :) :)
ربنا يصبر الحج على الاستنتاجات دى
:)
--------
حقيقى مبدعة يا زقطوطة
تحياتى لكى
دمت بكل خير
فكرتينى بمسرحية " العيال كبرت " لما احمد زكى قال لحسن مصطفى حلاوتك راح باباه " رمضان السكرى :) " قاله فيه حد يقول لباباه حلاوتك !! راح قاله انا اقصد اقول عظمتك :)
كنت عايزة اضحك فعلا
على فكرة الجيل الجديد كده فعلا بيعرف يزنق اهله ف خانة اليك ، انا فاكرة مرة كنت عايزة اروح الاوبرا احضر عرض هناك و بابا مش راضى عشان مينفعش اخرج كتير و بعدين كان عمال يقولى اصلا اننا مروحناش و لا جينا و انه و هو ادى كان بيروح كل حته و حسرة عليها يا حسرة عليها و بعد شوية كنا بنتفرج ع التليفزيون و ف قناة اقرأ كان فيه بنت من سنى عماله تقرا قرآن فبابا قالى شايفه البنت ف سنك و بتعمل ايه قلتله جرى ايه ما انت و انت ادها كنت بتروح الاوبرا و الديسكو و عايش حياتك
صحيح هو كان هياكلنى لكن لما تلعبى بالمنطق بيتزنقوا و تلاقيهم دخلوا ف حوارات تانيه و يغلطوك ف سكة مختلفة
الللهم صلي عالنبي
بس لازم نعرف رده كان ايه عشان هيحدد حاجات كتير:)
ههههههه
لا شاطرة قوى البنيه دى
تحياتى لكى
مش عارفة اقولك ربنا يكون في عونك ... و لا يكون في عون الحج :)))))
المهم خرجتي في الآخر و لا لأ ؟
ياحلاوتك يا بابا
دي امك عمرها ما قالتلى حلاوتك دي يا ولا
حلاوتك يا حج والله
بس مالو حق يعنى يضيقها كده
عشرة ايه
ده بدل ما يقولك ما تدخليش البيت الا لما تصلي الفجر في لجامع مثلا؟؟؟؟؟؟
ابهات اخر زمن صحيح
تحياتى واتمنى زيارتك
لماضة
نورتيني
بس مش لدرجة المصيف يا شيخة
:D :D :D
تأثير الفراشة
ربنا يباركلي فيكي يا رب
: )))))
بس إيه رأيك ؟؟؟
فظيعه مش كده ؟؟؟
: ))))
أنا حرة
ما هو أنا أقصد المسرحية أصلا : )))
خصوصا إني أضفت بعض الحركات التعبيرية
الدالة على فرحتي : ))))))))))
معاكي حق طبعاااااااااا
بس المشكلة إنهم مش بيقتنعوا أبداااااااا
مع إننا بنتكلم بمنطقية فعلا
واتعلمناها منهم
بس بيرفضوا الاعتراف بمنطقيتنا دي
!!!!!!!!!!!!!!!!!!!!!
هندسة وصفية
ليــــــــــــــه كده يا بشمهندس ؟؟
أنا حجبت الرد عشان الرقابة مش أكتر
:D :D:D:D
بس أطمنك : إني خرجت يومها و رجعت 10
; )))
همسة : ))))
البنية دي تبقى أنـا
:D :D :D :D
براااااااااح
خرجت طبعااااااااااااااا
:D :D
كلام فارغ أوي
نورتني بالزيارة
وضحكتني لما عدت الجزء ده من المسرحية
:D
بس مش لدرجة صلاة الفجر في الجامع : ))))
بس أنا إديته المشوار من أوله
مفروض يبحبحها شوية يعني
:D
بس أنا برده خرجت و رجعت 10
;)))
السلام عليكم
يا سلاسة الموضوعات ومعرفة اخذ الموافقات من بابا الحج بيسر سنما وغدي ربنا معاه هو حد فيهم يقدر يقول لأ اليومين دول
لذيذة
تحياتي
إرسال تعليق