هو في إيه ؟
بجد في إيه ؟
فهموني يعني
يمكن أنا اللي عبيطة زي ما بيقولوا
ولا رومانسية قال زيادة عن اللزوم
قولوا عشان أتلم و أبطل الرومانسية دي
وأشربلي كيلو نشا كل يوم على غيار الريق كده
عشان أبطل الرومانسية
!!!!!!!!!!!!!!!!!!!!!!
حب إيه ده اللي محدش من الطرفين عايز يضحي ؟؟
حب إيه ده اللي محدش قادر يستحمل من التاني كلمة ؟
واقفين لبعض كده ليه ؟
سيب وأنا أسيب !
ده حب إيه ده ؟
بجد قولولي يعني
إنك تحب...يعني تعطي...عطـــــاء
عارفينه ده ؟؟
الحب إنك ما تبقاش أناني...عايز كل حاجة بين إيديك
حبيبك و طموحك وشغلك و صحابك و فلوسك و سيارتك و حزامك
اتنازل عن الحزام يا أخي حتى
البنطلون هيقع ؟؟
هاتلك واحد مقاسك...لازم تلبس حاجة أكبر من مقاسك يعني ؟؟؟
الحب مش لعبة
الحب إحساس
تضحية...هتقولوا تنازل
هقولكم آه تنازل
ما تتنازلوااا
هتعيشوها كام مرة يعني ؟؟؟؟؟
ما كل واحد كده..يبص جواه و يشوف نفسه كويس
بذمتك...إنت كده مبسوط ؟
مرتاح يعني ؟؟؟
Satisfied ?
أصلي سبت حبيبة عمري عشان كانت مصممة تشتغل
!!!!!!!!!!!!!!!!!!
أصل حبيبي الوحيد ماقدرش يجيبلي شبكة زي توتو بنت "تنت" فوفو فقلتله ما أعطلكش
إيــــــــــــــــــــــــــــــــــــــــــــــــــــــــــــــــــه ؟؟؟؟؟؟؟؟؟؟؟؟؟؟؟؟؟
هتعيشوها كام مرة ؟؟؟؟؟؟؟؟؟؟؟؟؟
هتحسوا الحب ده...كام مرة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هي مرة والله
والله ما بتيجي في العمر غير مرة
ده لو جت أصلا
!!
ارحموا نفسكم...وارحموا قلوبكم
واللي بيحبوكم
حبوا بجد
بجد
بجد بجد
حبوا بحق و حقيقي
مش بحبك يا انشراح
بحبك يااسماعين
!!!!!!!!!!!!!!!!!
الحب مش كلمة بنقولها
الحب عطاء..أمان..تضحية..احتياج
لكن أرجع و أقول
حب إيه ده اللي من غير أي...حريـــة ؟؟؟؟؟
هناك 14 تعليقًا:
بسم الله الرحمن الرحيم
السلام عليكم ورحمه الله وبركاته
مدونه جميله...يادوب 2بوست فقط ..أحلي من بعض.
لكن الأحلي من البوستين ...تعليقكم علي موضوع شيخ الأزهر...
لي سؤال...رأيكم مبني علي قناعه عقليه و ايمان ...أم هي الظروف؟
معظم موضوعاتي علي مدونه ...حسين حامد(من أعماق القلب)
يسرني زيارتكم...
وعليكم السلام ورحمة الله وبركاته
: )
أشكرك سيدي على ردك السريع لزيارتي
مدونتي متواضعة للغاية..فقد تم إنشاؤهامنذ يومين اثنين فقط !
: )
رأيي نابع عن قناعة شخصية ورضى بأمر الله عزوجل
وليست لي ظروف خاصة : ))))))))))))))))
أشكرك بشدة و لنا لقاءات عدة إن شاء المولى
حب يعني عصافير وورود
حب يعني جمال مالهوش حدود
حب يعني راحه بصراحه
حب يعني متعه متنتهيش
حب يعني نكون مع بعض لوحدنا من غير عزول ولا خوف
شفتي خدتي بالك كله في خيالهم عن المتعه والراحه والفرحه
كله بيفكر يعوض اللي منه اتحرم
بس فكرك حد بيفكر ان حب يعني مسؤليه
حب يعني التزام
حب يعني وفاء واخلاص لشخص واحد مترغيش مع حد غيره
حد فكر ان حب يعني عليك حقوق
لحد تاني ملزوم بيها
حد فكر ان عليك حمل لازم تأديه علشان الحلم يكمل
كله ناسي النقطه دي
علشان هو الأنسان بطلعه كده جربي كده حد يقولك عن وظيفه ليكي بمرتب عشر اضعاف مرتبك الحالي تفتكري هتحلمي بايه بالليل بالعربيه والفلوس وهتعملي ايه بالفلوس دي كلها لكن هتحلمي بشكل الشغل بمدى الجهد اللي عليكي بالشروط اللي هيفرضوها عليكي علشان يدوكي مبلغ زي ده
هو الحب كده عسل غالي قوي قوي قوي المهم اللي عايز يفضل يشرب العسل لازم يفضل يتعب لكن احنا بندوق منه لحسه ونرقد جنبها سكرانين من طعمه
لحد ما بيضيع من بين ايدينا والدبان يتلم على صوابعنا الملحوسه فيتقلب الحب لحاجه مقززه ملوثه مفعمه بالدبان
سلااااااااااااااااااااااااام
الله عليك يا إيهاب : )
بجد تعليقك...في الهدف مظبوط
عجبني مثال الشغل و المرتب
يا ترى مين يقدر إن الحب تضحية ؟
مسؤوليه كاملة
كبيرةجداااااااا
مش سهلة
مين يقدر إن الحب شيء يستاهل إنك تتعب عشانه ؟
عشان تقدر تحافظ عليه؟
معاك حق
الأنانية حولت الحب لشيء مقزز
تنفر منه لمجرد ذكر اسمه : )
أشكرك بجد يا شنكوتي
تعليقك فوق الممتاز : )
انا قبل ما احب كنت فاكرة الموضوع بسيط و سهل ، و ان اتنين يحبوا بعض يعنى يبقوا مبسوطين ، آه فيه مشاكل بس فيه ناس بتتخطاها ، إنما بعد كده اكتشفت ان الحب ده من أصعب العلاقات عشان الواحد بيفضل شغال عليه ليل و نهار .
موضوع التنازلات ده فعلاً مرعب ، بس اعتقد ان التنازلات ممكن تحصل فعلاً لما الواحد يبقى بيحب بجد ، يعنى ممكن واحد مترضيش عشانه ترجعى بيتك بدرى ربع ساعة و واحد تانى تقبلى انك تسيبى شغلك عشان خاطره
مين يستاهل و مين لا !!؟
بس المهم ان الواحد لما يقدم تنازل يقدمه بنفس راضية مش يفضل يقول للطرف التانى ليل و نهار انا عملتلك كذا و كذا و كذا . أكيد فيه حاجات لازم نتشبث بيها و هى الامور اللى متعلقه بشخصنا مش بسلوكنا كأفراد ، يعنى نوعية اللبس اللى البسه ده سلوك مثلا مش طبيعة ف البنى آدم ، لكن انى بحب نوع معين من الادب فده بيعكس شخصيتى مش سلوكى ، من هنا نعرف ايه يصح يتساب و ايه يتم المناقشة فيه حتى آخر قطرة
يعنى الحياة عبارة عن اختيارات و كل واحد بيختار سعادته سواء مع حد او مع ناس تانيين ، المهم الموضوع مايخضعش للعند انما للقلب و العقل سوا
على الهامش
انا شايفة ان اغنية منير مش لايقة مع البوست ، دول عكس عكاس :)
أنا حرة...
تعليق رائع بجد
وحبيت جدا مشاركتك ليا
رأيك عجبني
موضوع التنازل..مهم..بشرط : ما أذلوش كل شوية ده أنا سويت و عملت وإنت حيالا عملت و سويت !
فعلا
والله يا جماعة لو عرفنا معنى الحب الحقيقي
مش هنحس بده...هيبقى الرضى مالي قلوبنا..و فرحانين وإحنا بنسعد حبايبنا والله : )
بخصوص الغنوة : يا عزيزة يا بنت السلطان..لو يتغير الزمان..وقابلتيني في أي مكان..كنت أعشق..من غير ما تقولي
: )
فهمتيني ؟
: ))
مممممممم
لا مفهمتش أوى الصراحة :)
بس أنا عايزة أقولك حاجة للحق يعنى ، التنازل ميتحسش بيه لو كان متبادل إنما يوم ما يبقى من طرف واحد غصب عن الاتنين ده بيهدم حاجه ف العلاقة
loool
بصي يا جميلة
علاقة الغنوة بالبوست...إنه مفيش حرية في المشاعر
دايما بتلاقي الظروف بتحجم الأحاسيس
وتحكمات عجيبة زي : وديني لو ما اتنازل ماأنا متنازلة..آه واحدة قصاد واحدة
!!
صدقيني..لو كلنا اتعاملنا بحب صادق مع اللي حوالينا..مش هنحس بالكلام الفارغ ده كله..بالعكس..هيبقى كل طرف مستمتع وهو بيرضي الطرف التاني
سعيدة إنك اهتميتي ترجعيلي تاني : ))))
ما أحلى الرجوع إليك :)
ياااادي الكسووووووووف
: ))))))))))))))))
تسلميلي يا رب و مش يحرمني من زيارتك الرقيقة ليا أبدا : ))
زقطوطة ..
أنا معاكي في كل كلمة وحرف كتبتيها .. وعلي رأي محمد منير .. حب من غير أي حرية...
ولو عرفتي إزاي تبطلي رومانسية .. ابعتيلي علي طول
تحياتي وتقبلي مروري لأول مرة
ميمي
سعيدة إنك موافقاني
ده معناه إني صح والله يا جماعة
حبوا من قلبكم
طهروا القلوب والنفوس من العند والأنانية
هتفرق معانا كتير والله
ميمي
مش محتاجين نبطلها صدقيني
مش هينفع
دي هبة من عند ربنا لينا
والله دي نعمة والدليل ندرتها دلوقت
عمرك ما تبطلي..وعمرك ما تعملي إلا اللي قلبك بيقولك عليه
نورتيني : )
شكرا لردك يا زقطوتي ...
وهسمع كلامك أكيد
إرسال تعليق